bisayabloggers

Sermon ni Pader

In Uncategorized on April 18, 2005 at 11:18 pm
Ngano dili man dyud ka gusto mag nursing?

Mao ni ang linya sa akong papa na ika milyon times na ata niya gibalik balik. Dili pa na siya diha mahuman. Maabtan pa na siya ug 48 years ga sige ug yaw yaw na magnursing dyud kay ingun-ani ug ingun-ana etc etc. Duha pud diay ka version iyang sermon. Isa kay english kay naa man daw mi kuno diri sa istates ug ikaduha in bisaya para masabtan dyud ug taman sa mga gahig ulo niya na mga anak.

Kaluoy sa dios, maminaw man pud ko. Siyempre kung wala ko naminaw dili unta nako mamemorize iyang famous line diba? Pero usahay tao lang man pud ko, samukan, kay ga sige rag balik balik ang istorya. Maminaw lagi pero lampas sa pikas dalunggan ang yaw yaw. Ang guwas ,dili gihapon ko ganahan ug nursing ug magnurse sa istates.

Para daw sa akong kaugmaun mao dina pugos nila magnursing ko. Kay indemand sa istates ang mga nars ug ikaw ang pangitaon sa trabaho. Dako daw akong masweldo, daku man dyud sya tinuod. Makapalit daw ko sa mga butang na gusto nako ug maka adto sa mga lugar na gusto nako suruyan. Daghan kaayo silag mga rason usahay maabot na gani sa: Naa dyud kay maipakaon sa imong pamilya.Dili ka magsalig sa imong bana Pamilya?! Bana?! Wala ba siya kuyapi? 17 years old lang ko, (mag 18 na gani diay pero wala gihapoy buot) dili ba murag sayo ra kaayo isturyahan ang bahin sa pamilya ug bana?

Nakasabot man ko sa gusto sa akong papa. Gusto daw niya ang da best para sa amo. Empre tanan parents gusto maayo ang pagka himutang sa ilang mga anak pag abot sa panahon. Dili daw siya gusto na kung naa na daw mi mga anak sa iya pami mangayo ug pampalit ug gatas. Pa, dili mi mangayo sa imo kay pwede man ibreast-feed diba? (Breastmilk is still best for bebes up to two years old.)

Pero unsaun man anak lang ta ug naa pa ko sa poder sa akong ginikanan. Ang akong dinakaun, dinasuot, pangskwela maskin gani pang-laag gikan sa ilang pitaka. Dili dapat ka musupak kay klaro mo lang ang bunal sa lubot o di kaha kusi na hastang pagkasakita. Pero sa una raman pud nuon na karon lain na. Tigulang na daw kaayo ko arun bunalan, grounded with no allowance na. Mas sakit siya kung hunahunaun.

Sakit na dili nako mahimo akong gusto, ang mag eskewla ug architecture or political science baron. Kapuy na ug bangon adlaw adlaw, magsuot ug puti nga uniform ug magiskewla bahin sa lawas sa tao. Salamat pud gani kay nakapasar ko sa anatomy. Ngisi ngisi nalang ta ani pero akita ang akong frustration sa mga gamay nako na grado, sa pagkabagsak nako ug PE2 ug sa walay undang pud nako napag-ingon ug, Dili dyud lagi ko ganahan magnursing.

*****

Mag second year IRREGULAR nursing student na ko pag uli nako sa Davao bago magsugod ang klase sa DaDoc. Ga EE ra gihapon ang agi ani (Eskwela Eskwela).

  1. Shawty,

    Kabalo ka ba nibalik ko sa Davao aron humanon ang akong Narsing sa Davao Doc? Kana ang pinaka gwapon gihimo nako humanion ang akong pag eskwela.

    Hala murag pareha juds ta og kinabuhi ani

    Ayaw kabalaka magustuhan sad nimo ang narsing

    ayu-ayo diha

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: