bisayabloggers

Pinulongang Bisaya

In Uncategorized on April 22, 2005 at 8:37 am

Pinulongang Bisaya

pagkanindot sa pinulongang bisaya. walay laing pinulongan ang adunay katakus nga makapukaw sa nanghinanok tang tanlag, mogitik sa taphaw tang kalipay, makapahilak sa atong kasubo ug mobayaw kanato sa atong paghanduraw. ang pinulongang bisaya maoy nasilsil sa atong alimpatakan gikan pa sa atong paghimugso. busa angay’g matarong lamang nga ato kining ipalapnag ug ipakuyanap bisan asa pa kita ilambos sa mga balod sa kapalaran.

Hinaut nga sa atong pagkolokabildo nganhi sa blogosphere atong mapaambit ang katam-is sa atong pinulongang bisaya.

Aniay usa ka balak nga gimugna ni Don Pagusara – usa ka bantugang mambabalak sa Mindanaw. Nahipatik kini sa Philippine Daily Inquirer niadtong Pebrero 29, 2004.

Balitaw sa Bag-ong Rosas Pangdan
maghimaya ka eva
puno ka sa talinghaga

gisangkil mong
tuod sa himaya
napungil ang damgo
ni bathala

sa imong pagbilangkad
nangguho
mga mangtas ug ungo
ibabaw sa yuta

gipasanginlan
ang kalayo sa imong dughan
ug tigmo sa imong bugan

naggaling sa tanang salapi ug bala

apan taudtaod na
gitunglo mong tanang ginoo
sa gugma ug giyera
nagdibuho
sa tanang ngisi ug ting-ab
sa bag-ong dagway
Monalisa

gisulat ni: Don Pagusara
  1. korek! lahi ra gyud ang bisaya.:)

  2. dili ka hinanglanon magpakabituon aron matarog nimo kining kasingkasing. sakto ra nga usa ka nga maninipot na pirminti ra magsiga ang lubot. =]

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: