bisayabloggers

111466115404843286

In Uncategorized on April 27, 2005 at 8:59 pm

Nagabasa ba mog MINDANEWS?
basin angay siguro magsugod na kag basa

Maayong Adlaw sa tanan! Gwapo kaayo akong adlaw pagbasa nako niini . Dugay dugay sad ko naghuna huna kung sugdan pa gayud nako ang paghimo sa Bisaya Bloggers. Og dako akong kalipay na gihimo nako ni.

Sa mga miyembro sa Bisaya Bloggers, sa tanan nagsuporta apil sad ka Asukar *hehehe*, sa mga tanang bisaya, nagtuon og bisaya, nagabisaya, mga nagbinuang sa bisaya, sa mga nagkatawa sa among pagkabisaya, sa mga nagsuwat sa binisaya, tagabis, bisalog ang akong walang katapusang pasalamat ninyo.

Ato ni Bai`!

(Ang “Bisag Unsa” regular nga kolum ni Macario D. Tiu para sa MindaViews, ang seksyon sa opinyon sa MindaNews. Si Mac usa ka Palanca awardee ug editor sa Tambara, ang university journal sa Ateneo de Davao University. Puede nimo ma-e-mail si Mac Tiu sa mac@addu.edu.ph).

Walay Trabaho

Bisag Unsa
Macario D. Tiu
MindaNews
26 April 2005

……… Ang giilogan karon nga trabaho kining manubagay sa call centers. Bisag gradweyt ka sa kolehiyo, dili ka madawat kon ang accent nimo Bisaya.

Gigamit sab ning rason sa pipila ka opisyal sa edukasyon aron iinsister ang pag-imprub lagi daw sa Ingles sa atong tunghaan. O sige daw bi, kon kining 460,000 ka bag-ong gradweyt hawod mo-wrsss wrsss sa English, mahurot na silag dawat sa call centers?

Ang solusyon sa kawalay trabaho dili ang pag-imprub sa atong Iningles. Ang solusyon mao ang pagtukod og daghang industriya, pabrika ug klase-klaseng negosyo! Mao nay angay atimanon sa atong mga lider imbis problemahon nila kon hawod ka ba mag-iningles o dili.

Intawon ning atong mga lider. Sigeg saway nga miubos na kuno ang atong kalidad sa Ingles, ug bugo na kuno ang mga titser ug estudyante sa Ingles.

Pero kitang Pinoy mao gihapoy pinakahawod mag-iningles sa tibuok Asya. Kita ang pinakahawod mag-iningles sulod sa usa na ka gatos ka tuig. Unya, milambo ta?

Kanang mahibawo tang mag-iningles okey lang na, pero pangdekorasyon lang na. Tan-awa nang mga Hapon ug Insik, lampasohon nato nag Ingles, pero nganong kita may gilampaso sa kalamboan?

Kanang obsesyon nato sa Ingles, hiwi na nga pangutok. Dili na maoy basehan sa kalamboan.
Naa pay sayop nga panghunahuna ang atong mga opisyal. Naa kunoy “mismatch” tali sa katakos sa bag-ong gradweyt ug sa bakanteng trabaho.

Unsa man ning mga bakanteng trabaho nga dili kayang sudlan sa atong mga gradweyt? Kon naa man, unsa pod ni kadaghan? Dako ba ning sikreto nga ang atong mga opisyal dili makasulti kon unsa ning mga bakanteng trabahoa?

Klaro nga ang mismatch mao ang gidaghanon sa mga gradweyt ug ang gidaghanon sa katrabahoan. Sa laktod nga pagkasulti, mas daghan ang gradweyt kaysa katrabahoan. Dili kayang suyopon sa atong mga negosyo, industriya, ug pabrika kining mga gradweyt.
Sa laing nasod, baliktad ang kahimtang. Daghang trabaho, apan walay motrabaho. Busa moangkat silag mga trabahante. Bisag TNT ka, dawaton ka nila.

Busa ang angay natong padaghanon mao ang mga industriya, negosyo ug pabrika, dili ang kahibalo sa Ingles. Mao nay gihimo sa Hapon, Tsina, ug Korea. Lupig nato sila sa Ingles, apan lupig ta nila sa kalamboan.

Pidbak gikan kang Ayesa. “Dugay na ko nagabasa sa imong gipangsulat sa Mindanews. Mao siguro nakahunahuna ko maghimo og “blog” para sa mga bisaya sama sad nako. Ambot lang kon pamilyar ka sa “weblog” nga uso karon. Daghan sad diay ang mga manunulat nga binisaya sa blog. Ang uban magsuwat sa iningles, ang uban sa Tagalog, pero naa say uban mosuwat og binisaya.

“Gusto lang nako magpasalamat sa imo sa paghatag og lamdaman kanako para makasugod sa Bisaya Bloggers.”

Kinsa tong gusto motan-aw sa binisayang blog, bisitaha ang http://bisayabloggers.blogspot.com/

Advertisements
  1. mabuhay ka, miss ayeza!:)

    sikat ta ba. promotion! hehehe:)

  2. haskang laluma sa ging padayag ni Mac Tiu. Sakto pud tanan niyang punto. Naa ko dri nag trabaho sa usa sa mga call center sa ortigas, pero maski gina pamalita nila nga mulambuon ang mga call center sa sulod pa sa lima ka tuig, daghan gihapon sa amoa ang makiyawan kay basi makalit lang mi ug katanggal. ang mawad-an ug trabaho, lisud. kundili lang tungod sa panginabuhi ug sa kalisud sa kompetisyon halintungod sa gamay lang man ang mga kompanya na puwede namo ma applyan, nagmantinar na lang intawun mi dri sa call center. bisan pag 5 ka tuig na mi mag trabaho ug panggabii, sige lang gihapon kay para lang naay makaon sa pang adlaw adlaw.

    usa ni ka realidad na angay natong ikabalaka ug lihukan ta.

  3. haskang laluma sa ging padayag ni Mac Tiu. Sakto pud tanan niyang punto. Naa ko dri nag trabaho sa usa sa mga call center sa ortigas, pero maski gina pamalita nila nga mulambuon ang mga call center sa sulod pa sa lima ka tuig, daghan gihapon sa amoa ang makiyawan kay basi makalit lang mi ug katanggal. ang mawad-an ug trabaho, lisud. kundili lang tungod sa panginabuhi ug sa kalisud sa kompetisyon halintungod sa gamay lang man ang mga kompanya na puwede namo ma applyan, nagmantinar na lang intawun mi dri sa call center. bisan pag 5 ka tuig na mi mag trabaho ug panggabii, sige lang gihapon kay para lang naay makaon sa pang adlaw adlaw.

    usa ni ka realidad na angay natong ikabalaka ug lihukan ta.

  4. aw dobol post..unsaon man ni pangtanggal?

    congrats diay sa publicity ayes! 😀

    matay bai..basi ug makuha ta ni ug artista?

  5. SAKTO! sakto mong tanan mga higala! ang prublema sa atong pagkalisod sa atong ekonomiya dili tungod sa atong lebel sa english skills. ang karaang mga yawa ang gapisti sa atong sosyo-ekonomikong estado. apil na dira ang korupsyon, damak na pulitika, basura nga burukrasya ug daghan pa. unya, kung hawod ta mu-english mawala na ning mga yawaa ni? dili man intawon ta mga tanga uy, mao dili ta dapat musugot himuon tang mga tanga. oo, ang staffing requirement sa mga call centers gahinanglan ug fluency sa english, pero ang pag-outsource sa call centers dili lang tungod ana nga lengwahe kun dili kay daghan pud mahibaw ug laing lengwahe sa atoa. labi na nang mga tsabakano nga dali lang i-train para mahimong multilingual call center agents. pero call center lang ba ang tubag sa atong sosyo-ekonomikong paglisod? dili. hinanglan pud nato ang mga industriya, mapagamay man o dako. hinanglan nato ang imprastraktura ug ang matarong na ning pag-administrar sa atong sistema sa pulitika ug “economic management.” pero ingon pud lagi sa kadaghanan, kining atong mga pulitiko mga short-sighted, gakuyos ang utok, gaburot ang tyan, ug gabaga ra ang nawong. =)

  6. iapas diay ni:
    ang mga tsabakano maayo na mu-espanyol mao dali lang sila i-train sa call centers nga naay spanish market. buot lang nako ipasabot na dili english ang tubag sa atong paglisod, ug labi na nga dili lang ang call centers. =)

  7. me thinks that theres nothing wrong with call centers even if it promotes more the english language. Come to think of it we are promoting the country, our manpower to be specific when the call center boom hit the country. As long as the job is legal, pays good and can provide food in the table.

    as the previous comments said the call centers are not the problem its the fucking system (government). If only they can move up their asses and do something proficient for the whole country then we can catch up to those asian countries who used to catch up on us.

    kato lang bow

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: