bisayabloggers

111485633230967890

In Uncategorized on April 30, 2005 at 3:17 pm

Cuying coys

Dako kaayo ang akong kahinangup ug kalipay nga duna na diay usa ka onlayn nga katilingban para sa mga sugbuanon nga bloggers. Hinaut unta nga modaghan pa ang mosalmut ug makighiusa niining maanindot nga pag-inambitay sa blog nga gisugdan ni Ayeza.

Dili pa man mi kaila ni Ayeza pero saludo na ko niyang daan. Nakabasa ko sa iyang comment sa akong blog ug podcast ganinang buntag (sa among time zone) ug sa dihang ako siyang gibawsan iya man kong gidapit nga mahimong kabahin dinhi sa Bisaya Bloggers.

Ako diay si Stephen Cuyos. Nahimugso ko ug nitubo sa Tayud, Consolacion, Cebu. Sa ato pa, 100 percent jud ko nga bisdak. Nag-elementary ko sa amo ra pung baryo skul, naghayskul ko sa St. Louis School sa Mandaue, ug nakatapos ko ug A.B Philosophy sa University ug San Carlos. Nag M.A. pug ko ug Psychology didto pero wala nako matapos kay nilarga man ko padung diri sa Roma. Naordinahan ko sa pagkapari niadtong November 1998. Hala tiguwang na man diay ko uy kay magpito ka tuig na man diay ko sa pagkapari.

Ang pinakauna jud nakong assignment isip pari nga Missionary of the Sacred Heart (MSC) kay sa Virgen de la Regla Parish sa isla sa Opon. Duha ko katuig didto – gikan Disyembre 1998 hangtud Mayo 2001. Gikan sa Opon gi-assign ko isip Rector sa among seminaryo sa Banawa sa dakbayan sa Sugbo. Paglabay sa usa ka tuig, gipadala ko sa akong superior diri sa Italy para mamasters ug mass communication.

Nindot kaayo ang akong mga kasinatian diri sa Europe. Kung makakaplag unya kog igo nga panahon kay akong ipaambit ninyo ang mga panghitabo sa akong kinabuhi diri. Dinhi lang usa ko kutob ha.

Advertisements
  1. musta amigo,

    usa gihapon ko ka blogger, tubong taga-camiguin, natawo sa cdoc, halos nalibot na nako ang mga syudad sa mindanao sa sige ug balhin ug puyo. usa diay ka ka-pari. ang akong igsoon, bag-o pa siya nagsugod ug pagka-pari sa sama nimong seminarya sa msc, pero na-a siya sa cdoc karon kay nagsugod siya sa pagkuha ug psychology sa xavier university. hinaot na imong ma-share ang imong experience para maaghat akong bro na magpadayon sa iyang gipili na bokasyon. imong bag-ong amigo, phillip.

  2. philip, unsay ngalan sa imong igsoon?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: