bisayabloggers

didto sa amon, may sapa…

In Uncategorized on June 1, 2005 at 7:09 am

didto sa amon, may sapa…

sapa namon...

didto sa may sapa lapit sa balay namon, hambal sang mga tigulang, maghalong guid kung magsari lagaw didto. damo kuno mga engkanto nga nagapaligo didto. gani kung mag-agi, ukon kung matig-a guid ang mga ulo namon nga mga bata kag maghampang kami didto, maghigot guid kami sang dahon sang hilamon pangontra sa ila.

hambal nila maghalong sa carpa nga bulawan. kung ini sari ka pasundayag sa imo, indi ka guid maghingabot nga dakpon siya. kay kung imo ini sundan, dal on ya ka sa lugar sang mga engkanto kag basi indi ka na kabalik. hambal nila, kung ikaw madala didto, indi ka guid magkaon sang kung ano man nga pagkaon ukon mag-inom sang bisan ano nga ilimnon nga ihatag nila sa imo. bisan ano pa ka kagutom, keber ka guid magtandog.

hambal pa gid nila kung magtalang ka pauli kag daw sa pabalik balik ka lang sa lugar nga imo gusto halinan, baliskaron mo ang imo bayo kag makapauli ka na.

sa tanan ini nga pahadlok nila, siempre mas ginganahan pa guid kami nga kabataan maglagaw lapit sa sapa. diri nagapanakop kami sang tikling. panag-a sang isda. didto sa sapa nakadakop man ako sang gamay nga man-og nga nagdako pa sa akon kamot. gintago ko ini sa akon bayuan kag isa ka adlaw, sang nagpanghimos si nanay sang akon mga bag-ong laba nga bayo, daw sa naglumpat ang iya kurason sang nakita ya ang sa pagkadako nga man-og sa akon bayuan.

masadya sa sapa. bisan kung kis-a tubuan ka sang bakukek ukon bakukang. bisan tubuan ka sang alap-ap kay pati kalabaw gapaligo upod sa inyo. bisan kung kis-a mapilas ka sang mga kawayan nga gatubo palibot didto. bisan matunok ka sang mga turagsoy kag pantat kag tilapia kung magpanag-a kamo. bisan malunod ka man kung kis-a kay gadalum pagkatapos sang bagyo. masadya sa sapa.

kag wala man ‘to mga engkanto ah. pamahog lang ‘to sang mga tigulang.

kadto ta ‘to bala…

sa inyo ya, ano may ara?

salbaje (ukon tonto)

Advertisements
  1. kanamit guid maminaw sa imong ginahambal…

    hehehe

    i hope i got that right. i’m not ilonggo, i’m cebuano. but i really love the ilonggo language and accent. for me it’s one of the most romantic language in the country.

    my mother hails from negros. most of my relatives from her side speak ilonggo, so i can understand what you’re saying (albeit partially only). but i can’t speak the language (or, just a bit).

  2. i can barely understand cebuano myself so i guess we’re even. 🙂 i’ve been told often enough that the ilonggo speaks as if he were forever speaking to a loved one. even if we’re talking of the most odious things. hehehe.

    i badly miss it. there’s only so much of tagalog that you can stand if you are from the province. 🙂

    balik balik lang ko di hoping to find parallel experiences with the other members.

  3. “i’ve been told often enough that the ilonggo speaks as if he were forever speaking to a loved one. even if we’re talking of the most odious things.”

    lol… right…–>

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: