bisayabloggers

Malaya gid man bala ang Pilipino? Kun kagaton sa ido?

In Uncategorized on June 10, 2005 at 12:25 am

Nag-kadto ako sa ospital kagaina para magpa-injection sa anti-rabies – ikaapat ko na nga injection tungod kay gin-kagat ako sang bwisit nga Dalmatian nga si Moses sa buli gid. Naga-dali ako kay may meeting pa ako sa opisina alas nueve pero indi man ako gusto mag-una abot kay basi dugay man hulat ko.

Ang sistema ni sa ospital amo ini: Tungod kay mahal ang bulong, nag-tipon sila sang tatlo ka pasyente nga kinahanglan anti-rabies shot. Subong nga tag-init, madamu ina sila; kay namitan gid manga-gat daw ang ido kun na-initan. Ang tatlo ka pasyente ma-amotay sang tag 443 pesos para sa bulong kag tatlo ka syringes. Tungod nga mahal ang bulong, kag kun mabuksan dapat gamiton gid, maayo ini nga sistema sa indi makabakal sang mahal nga bulong.

Kada kadto ko to, makita ko gid nga maswerte ako kay may obra ako kag miskan pigado man kami, maka-tibawas man. Ang mga tawo nga makilala ko didto samtang gahulat ako injectionan lain-lain man. Laban ini sa ila ma-imol, halin sa uma, kag halos-haloson lang makapangita kuarta para indi lang mag-buang tungod sa kagat sa ido. Ang iban kalulu-oy gid galing sino gid abi ang makabulig sa ila.

Mangkot ako kun malaya gid man bala ang Pilipino? Sa nakita ko, indi gid. Tanan kita na-priso sa aton kapigaduhon. Tanan kita nagproblema kun maano kita kun magtaas pa gid ang bili sang balaklon. Gamanggaranon lang dira ang mga politika. Maabot gid ang tiempo nga pilion nila magpangabuhi na lang sa iban nga lugar kay budlay na gid diri. Amo na nga gapamangaranon sila samtang pwede pa nila magamit ila posisyon. Pero ano na lang ya ang indi makasarang?

Masubo man matuod. Kita man gapabudlay sa aton mga katawhanan. Amo gid man ini ang pinoy?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: