bisayabloggers

Kadiyot Ra Ni

In Uncategorized on July 21, 2005 at 3:53 am

Kadiyot ra ni bai..

Naa ra koy isulti.. Gamay ra gud. Usa ka way nadang impormasyon. Di cguro mo magkainteres ani. Pero bai.. mao ra jud ni akong mahuna-hunaan sa miaging 24 hours.

Sa di pako magyawyaw ug watever na kabalbalan..ila-ila sa ta. Ako si..aw di nana importante akong pangalan. 18 ko. Babayng dako. Sauna, kontra nako ang gugma. Kontra kaau. Hasta mga amigo ug amigang nakauyab ako na noong nakontrahan. Wa ko nasuya bai. Wa ko nasuya. Ang ako lang jud ato sauna…ambot. Basta lud-an ko.

Pero astang pagka-lecheha man bai. Naigo btaw ko.

Amawa jd bai.. Naigo ko. Kalit ra kaayo. Karma cguro ni. Or watever. Wa ko kibaw unsa ni. Basta mao ni gugma. Love ba. Basta kana.. Na-inlove btaw ko bai. Dugay-dugay nasad siyang nagsige ug patagad nako. Ug at last..ako nang nasugot. Ah basta. Paspas kay ang dagan sa panahon. Ang mga gabii himuung adlaw ug ang mga adlaw himuung gabii. Para lang magkaisturya…Para lang makatago-tago ug isturya. O bai.. gitago namo among relasyon. Kay daghang kontra. Nya ako..ug ang akong pride di musugot makataw-an. Murag heller bya kaau bai. Kontra gud ko nang gugma sauna. Nya ako ra diay naigo. Haskang kabuanga man sad gd. Kinsa man say magtuo.

Basta..tulo ka buwan. Perting daghana na ang nahitabo. Puros una para sa among duha. Mura kamig gadali-dali. Nya bisan sa kadaghang problema ug away nagpadayon gihapon ming magmalipayon. Magmalipayon sa usag-usa. Hangtod sa usa ka adlaw.. niaging adlaw.. murag nasinati na sa akong mga kaila na kami na. Bisan unsaun man sad siguro ug tago namo, makit-an sa mga di ordinaryong kislap sa among mga mata, ug sa mga pinugngang pahiyom..na kami magmalipayon. Kuyug ang usag-usa.

Nahadlok ko. Nasuko. Nabuang. Naloka. Naamaw. Aw tawga lang na ug bisan unsa pero napamalikasan nako akong hinugugma. Sa kasuko, naka-death threat pa gani ko. Murag nakahuna-huna ko na importante sad diay ang akong pangalan. Di pwede madaot akong pangalan. Di sila pwede makahibaw. Wagtangun na ta ni. Wagtangun na. Wa nay laing paagi. Babay na.

Perting kapaspasa ang pagdagan sa adlaw. Perting kapaspasa gayud. Nagsugod ug kahugno among mga damgo mga alas-6:30 sa gabii. Daghang hinilakay. Daghang hinangyuay. Daghang pamugos. Wa gud mi tulog. Para madaginot lang ang ugma. Pero gahi kog ulo. Wa ko nisugot. Hangtod sa murag ni-surrender na sad siya. Gibiyaan ko niya pagkaugma.

O bai. Gibiyaan ko. Nilarga siya. Para mulayo na daw nako. Kay mao man daw na akong gipangayo. Kay mas importante paman gud akong pangalan kaysa nya. Bai.. nibiya na siya. Niadto sa laing lugar. Di na daw mi magkita. Bahala na ang ginoo kung kanus-a mi magkita. Pisti bai. Sakit kaayo. Sakit diay kaayo biyaan ka sa imong gihigugma. Murag gikumot ug gigisigisi ug kapila ka libo ang imong dughan. Murag namatyan ang usa ka parte sa imuha. Pisti jud bai.

Mao ra to. Mu-24 oras na siyang nilarga. Mu-24 oras nasad na nagkamang ang akong kinabuhi ug nagtulo-tulo ug kapila sa milyon akong mga luha. Mu-24 oras na kong patay. Sige bai.. Mao ra ni. Sige.. Ayu-ayu bai… Ayu-ayu..

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: