bisayabloggers

Ang Paghulat sang Paskua

In Uncategorized on December 8, 2005 at 11:31 pm

xmaswarrior

Sa pagpauli ko, may naagyan ako nga daku nga Christmas tree nga ginapatindog nila sa tunga sang isa ka – parking lot. Isa ini ka Dinagyang warrior nga ang bangkaw gina-pasaka sa langit kag ang tiil naga saot sa “Hala Bira!”. Samtang ginatakud ang mga Christmas lights, may mga kabataan nga naga hampang sa palibot. Lagsanay balik balik, libot libot sa tawo nga daw gina bug-atan ka bitbit sang mga suga. Kun kaisa mauntat ang mga kabataan kag mag-tanga sa art work nga daw may ginahulat nga grasya. Nag-untat gid ako para kuhaan sang kodak kay daw kanami gid sang itsura sang ila Christmas tree. Sa likod ko, may mga soltero nga may gitara nga sige kanta nga daw ga-carolling. Di ko kabalo kun para ini sa kalipay nila ukon para pampalipas lang tiempo samtang gahulat. Ang kanta nila magadugang lang sa modo sang nagakatabu sa palibot ko.

May ara pirme nga kasubo nga naga-abot sa akon samtang gapalapit na ang paskua. Ginapanumdum ko nga indi na kumpleto ang pamilya. May mga nagtaliway na, may ara nga di kapuli kay indi pagtugutan sang obra nila. Ang mga utod ko may mga pamilya naman nga ila kag didto na gapaskua sa balay. Nagagamay naman dayon ang kapasidad ko nga maghatag regalo. Kamahal na abi sanga tanan. Indi na malubong ang Christmas tree sang kapuno sang nga karton karton nga regalo.

Pamatyagan ko mahipos ang paskua subong. Pero samtang gapadulong ini, may paghulat ang tanan nga mga tawo. Sa katigulangon ko, wala na ako nagaekspektar sang madamu nga regalo. Sa kaimolon sang tion, daw wala naman ko nagaekspektar sang madamu nga pagkaon. Isa lang ang ginahulat ko subong nga Paskua … Grasya lang gid. Grasya nga kabay pa, miskan kulang sa tanan, ara man gihapon ang espiritu sang paghatag kag pag palangga.

Kun sa bagay, daw ina ya wala gid man nagakakulang. Maswerte kita kay kabatyag pa kita kay may ginahulat pa kita nga Paskua.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: